GÜLƏŞDƏ TEXNİKİ HƏRƏKƏTLƏRİN BİOMEXANİKİ XÜSUSİYYƏTLƏRİ, ONLARIN STRUKTUR QURULUŞU VƏ İCRA MEXANİZMLƏRİ

Xülasə

Məqalədə güləşdə texniki hərəkətlərin biomexaniki xüsusiyyətləri, onların struktur quruluşu və icra mexanizmləri araşdırılır. Güləşdə yüksək texniki nəticənin əldə olunması hərəkətlərin düzgün ardıcıllıqla, optimal qüvvə və sürət nisbətində, bədən tarazlığının qorunması şəraitində yerinə yetirilməsindən asılıdır. Bu baxımdan texniki hərəkətlərin biomexaniki qanunauyğunluqlar əsasında öyrənilməsi idmançının texniki hazırlığının təkmilləşdirilməsi üçün mühüm əhəmiyyət daşıyır. Tədqiqatda güləş fəndlərinin struktur elementləri, onların hazırlıq, əsas və tamamlayıcı mərhələləri, həmçinin hərəkət zamanı bədən seqmentlərinin qarşılıqlı fəaliyyəti nəzərdən keçirilir. Texniki hərəkətlərin icrasında ağırlıq mərkəzinin vəziyyəti, dayaq sahəsi, qüvvənin tətbiq istiqaməti və nöqtəsi, hərəkət sürəti, bədən mövqeyi və tarazlığın qorunması əsas biomexaniki göstəricilər kimi qiymətləndirilir. Həmçinin rəqibin bədən mövqeyindən və hərəkətindən səmərəli istifadə etməklə texniki fəndlərin icrasının optimallaşdırılması məsələlərinə diqqət yetirilir. Müəyyən edilmişdir ki, biomexaniki prinsiplərin məşq prosesində tətbiqi texniki hərəkətlərin dəqiqliyinin və səmərəliliyinin artırılmasına, enerji sərfinin optimallaşdırılmasına və idmançının texniki ustalığının inkişafına şərait yaradır.