GÜLƏŞÇİDƏ TEXNİKİ HƏRƏKƏTLƏRİN FAZALARI VƏ QANUNAUYĞUNLUQLARI

Xaqani İsmayılov; Sadiq İsmayılov

Müəlliflər

Xaqani İsmayılov Müəllif
Sadiq İsmayılov Müəllif

Açar sözlər

fiziki tərbiyə, bədən tərbiyəsi, yeniyetmələr, hərəki bacarıqlar, fiziki inkişaf, sağlamlıq

Xülasə

Məqalədə fiziki tərbiyənin insan orqanizminin funksional sabitliyinin qorunması və möhkəmləndirilməsində rolu, eləcə də dəyişən xarici mühit şəraitinə uyğunlaşmanın təmin edilməsində əhəmiyyəti elmi-pedaqoji baxımdan təhlil edilir. Fiziki tərbiyə sisteminin səmərəli təşkili yeniyetmələrin fiziki inkişafının, sağlamlığının və hərəki fəallığının təmin edilməsinin mühüm vasitələrindən biri kimi qiymətləndirilir. Bu baxımdan hərəki bacarıq və vərdişlərin formalaşdırılmasına xidmət edən səhər gimnastikası, mütəhərrik oyunlar, müxtəlif fiziki və idman çalışmaları kimi fəaliyyət formalarının imkanları, təlim prosesində yeri və funksional əhəmiyyəti nəzərdən keçirilir. Tədqiqatda yeniyetmələrin fiziki inkişaf səviyyəsinin obyektiv qiymətləndirilməsi məqsədilə pedaqoji və tibbi müşahidələrin aparılmasının, əldə olunan məlumatların sistemli şəkildə toplanması, təhlili və ümumiləşdirilməsinin zəruriliyi xüsusi vurğulanır. Müasir təhsil şəraitində bədən tərbiyəsi dərslərinin məqsəd və məzmununun yeniyetmələrin fiziki inkişafına, sağlam həyat tərzi vərdişlərinin formalaşdırılmasına və strateji təhsil vəzifələrinin həyata keçirilməsinə istiqamətləndirilməsi məqsədəuyğun hesab edilir.

Məqalədə, həmçinin, bədən tərbiyəsi və idmanın ümumbəşəri mədəniyyətin mühüm tərkib hissəsi olduğu, müxtəlif tarixi dövrlərdə cəmiyyət və dövlət üçün xüsusi əhəmiyyət daşıdığı qeyd edilir. Fiziki tərbiyənin başlıca məqsədi insanların sağlamlığının qorunması və möhkəmləndirilməsi ilə yanaşı, onların fiziki hazırlığının və funksional imkanlarının inkişaf etdirilməsidir. Bununla yanaşı, fiziki fəaliyyətin zehni inkişafın stimullaşdırılmasına, mənəvi-iradi keyfiyyətlərin formalaşmasına, müsbət emosional vəziyyətin yaradılmasına, yaddaş və digər psixoloji xüsusiyyətlərin inkişafına müsbət təsir göstərdiyi vurğulanır. Nəticə etibarilə, fiziki tərbiyə şəxsiyyətin fiziki, psixoloji və sosial inkişafını dəstəkləyən kompleks pedaqoji vasitə kimi səciyyələndirilir.

Açar sözlər: fiziki tərbiyə, bədən tərbiyəsi, yeniyetmələr, hərəki bacarıqlar, fiziki inkişaf, sağlamlıq

Referanslar

1. Bayramov, A., & Qurbanlı, X. (1996). İstedadınıza meydan tapın. Bakı.

2. Məktəb pedaqogikası. (1982). Bakı.

3. Matveyev, L. P., & Novikov, A. D. (Eds.). (1976). Теория и методика физического воспитания: Учебник для институтов физической культуры (В 2 т.). Физкультура и спорт.

4. Туманян, Г. С. (1985). Спортивная борьба: Учебное пособие для техникумов и институтов физической культуры. Физкультура и спорт.

5. Kərimov, E., & Məmmədbəyov, O. (n.d.). Güləşçinin əsaslı hazırlığı.

6. Qurbanov, X. (1996). Güləşçinin taktiki hazırlığı.