APPLİCATİON OF ACCOUNTİNG INFORMATİON SYSTEMS İN AZERBAİJAN: A RESEARCH ON SMALL AND MEDİUM ENTERPRİSES

Xülasə

Müasir iqtisadi mühit bazarda dayanıqlığın və rəqabət qabiliyyətinin təmin edilməsi məqsədilə rəqəmsal texnologiyaların biznes əməliyyatlarına sürətli inteqrasiyasını tələb edir. Azərbaycanda kiçik və orta sahibkarlıq subyektləri qeyri-neft sektorunun şaxələndirilməsində və məşğulluğun artırılmasında mühüm rol oynayır.

Bu tədqiqat yerli kiçik və orta sahibkarlıq subyektlərində mühasibat uçotunun informasiya sistemlərinin tətbiq səviyyəsini, struktur arxitekturasını və idarəetmə proseslərinə təsirini hərtərəfli təhlil edir. Araşdırmada dövlət orqanları tərəfindən tətbiq edilən vergi inzibatçılığının rəqəmsallaşdırılması, elektron qaimə-faktura sistemləri və real vaxt rejimində fəaliyyət göstərən nəzarət-kassa aparatları kimi avtomatlaşdırmanı stimullaşdıran əsas amillər diqqət mərkəzinə çəkilir.

Bundan əlavə, məqalədə avtomatlaşdırılmış mühitin maliyyə şəffaflığına, aktivlərin strukturunun optimallaşdırılmasına, dövriyyə kapitalından istifadənin səmərəliliyinə və əməliyyatların icra sürətinə birbaşa təsirləri qiymətləndirilir.

Tədqiqatda, həmçinin yerli müəssisələrin üzləşdiyi əsas maneələr, o cümlədən maliyyə məhdudiyyətləri, proqram təminatının lisenziyalaşdırılması ilə bağlı yüksək xərclər və rəqəmsal mühasibat uçotu sahəsində ixtisaslı kadrların ciddi çatışmazlığı araşdırılır.

Nəticə etibarilə, kiçik müəssisələrin rəqəmsal yetkinlik səviyyəsinin artırılması məqsədilə dövlət subsidiyaları, rəqəmsal qrantlar və regionlarda kadr potensialının gücləndirilməsinə yönəlmiş təlim proqramları vasitəsilə həyata keçirilə biləcək strateji tövsiyələr irəli sürülür.