KARATEÇİNİN FİZİKİ KEYFİYYƏTLƏRİNİN TƏKMİLLƏŞDİRİLMƏSİ

Xülasə

Məqalədə əzələnin yığılarkən, qısalması və müəyyən qüvvə ilə bağlanan ucu başlanan uca yaxınlaşması göstərilmişdir. Əzələnin qüvvəsi bir sıra anatomik, fizioloji və mexaniki səbəblərdən asılıdır. Anatomik cəhətdən əzələnin qüvvəsi onun quruluşundan asılıdır: əzələ liflərinin miqdarı və qalınlığı nə qədər artıq və sərt birləşdirici toxuma elementləri çox olsa əzələ daha qüvvətli olar, beləliklə əzələnin qüvvəsi əzələ liflərinin miqdarını və onun fizioloji en kəsiyi ilə düz mütənasibdir. F = ap2 / 3 F-qüvvə, a-fiziki hazırlıq, p-bədənin çəkisi. Sürət faktorunun tərkib elementləri başqa hərəki qabiliyyətlərə, xüsusilə də çeviklik qabiliyyətinə daxildir. Hərəkət reaksiyasının gizli dövrünə tək hərəkətin icra sürəti, hərəkət tezliyi daxildir. Məqalədə sonra cəldlik-çeviklik dedikdə bir insanın koordinasiya cəhətcə mürəkkəb hərəkət fəaliyyətini icra etmək, dəqiq sürətdə, koordinasiya edilmiş bir hərəkətdən dərhal digər hərəkətə keçmək və şəraitin dəyişməsi ilə əlaqədar olaraq gözlənilmədən meydana çıxan təlabata müvafiq sürətdə tez, yeni hərəkət axtarıb yarada bilmək qabiliyyətinin təzahürüdür, misal olaraq ağırlıqqaldıranın, gimnastın, akrobatın, gözəl, zərif və oldukça dəqiq hərəkətlərinin necə məharətlə icra edilməsini görsək onda çevikliyin nə olduğu dəqiq başa düşülür kimi məsələlər geniş şərh edilmişdir.