Peşə təhsilində kurikulumun əmək bazarına uyğunlaşdırılmasında pedaqoji fəaliyyətin rolu

Narın Məhərrəmli

Müəlliflər

Narın Məhərrəmli Müəllif

Açar sözlər

Pedaqoji ünsiyyət, peşə təhsili, müasir təhsil, təhsil sistemi, peşə keyfiyyətləri

Xülasə

Müasir cəmiyyətdə ənənəvi tədris metodları getdikcə köhnəlir ki, bu da peşə təhsilində təhsilin keyfiyyətinin nəzərəçarpacaq dərəcədə aşağı düşməsində özünü göstərir. Müəllimlər təkcə informasiya mühitindən istifadə etmək üçün müəyyən səriştə və bacarıqların əldə edilməsi ilə deyil, həm də təhsilin universal informativ prosesinin əhəmiyyətini və səmərəliliyini dərk etməklə üzləşirlər. Bu məqalədə peşə təhsilində kurikulumun əmək bazarına uyğunlaşdırılmasında pedaqoji fəaliyyətin rolu sistemli şəkildə təhlil edilmişdir. Müasir dövrdə ənənəvi tədris metodlarının effektivliyinin azalması fonunda təhsil sisteminin yenilənməsi və əmək bazarının tələblərinə uyğunlaşdırılması zəruri hesab olunur. Bu baxımdan kurikulumun məzmunu yalnız nəzəri biliklərin ötürülməsi ilə məhdudlaşmamalı, eyni zamanda praktik bacarıqların formalaşdırılmasına yönəlməlidir. Tədqiqatda müəllimin pedaqoji fəaliyyəti əsas faktor kimi qiymətləndirilmişdir. Müəllim kurikulumun tətbiqində təşkilatçı, istiqamətləndirici və qiymətləndirici rol oynayaraq təlim prosesini əmək bazarının real tələblərinə uyğunlaşdırır. Onun peşəkar səriştəsi, pedaqoji bacarıqları və kommunikasiya qabiliyyəti təlimin keyfiyyətini birbaşa müəyyən edir. Eyni zamanda müəllimin innovativ yanaşmaları tətbiq etməsi və müasir texnologiyalardan istifadə etməsi kurikulumun aktuallığını artırır. Məqalədə pedaqoji fəaliyyət yalnız bilik ötürülməsi deyil, həm də şagirdlərin fərdi xüsusiyyətlərinin nəzərə alınması, onların motivasiyasının artırılması və sosial bacarıqlarının inkişaf etdirilməsi ilə xarakterizə olunur. Bu yanaşma şagirdlərin əmək bazarına daha hazırlıqlı çıxmasına şərait yaradır.

Referanslar

1. Azərbaycan Respublikasında təhsilin inkişafı üzrə Dövlət Strategiyası. (2013)URL:https://president.az/az/articles/view/9779

2. Billett, S. (2020). Developing a skillful and adaptable workforce: Reappraising curriculum and pedagogies for vocational education. Vocational education and training in the age of digitization-Challenges and opportunities, 251-272.

3. Fomin, K., (2021). Professional Training of Primary School Teacher to Organize Dialogic Learning for Students: Theoretical Context. Journal of Vasyl Stefanyk Precarpathian National University. 8. 80-89. 10.15330/jpnu.8.1.80-89

4. Ibragimovich, T. I. (2024). Improvıng Of Pedagogıcal Skılls Of Students Of Pedagogy And Psychology Durıng Contınuous Pedagogıcal Practıce. Journal Of Internatıonal Scıentıfıc Research, 1(2), 92-94.

5. İlyasov M. İ.,(2018). Müəllim peşəkarlığı və pedaqoji səriştəliliyin müasir problemləri. Monoqrafiya. Bakı: “Elm və təhsil”, 208 s.

6. Jakhanwal, M. S. (2021). Professional and communication skills for teachers.

7. Luchaninova, O., Markina, L., Kovalenko-Marchenkova, Y., Zhovnirchyk, Y., & Mishchenko, D. (2020). Professional competence development of future professionals in vocational education for the labour market. Práxis Educacional, 16(37), 203-223.

8. Mehrabov A.O. (2015). Səriştəli müəllim hazırlığının problemləri. Bakı: Elm və təhsil.